«Առավոտը» Մայր աթոռ սուրբ Էջմիածնի Հայեցակարգային գրասենյակի ղեկավար տեր Բագրատ եպիսկոպոս Գալստանյանից հետաքրքրվեց՝ ինչպե՞ս է վերաբերվում այն երեւույթին, երբ նկարիչները սրբապատկերում իրենց պատվիրատուին կամ հովանավորին նկարում են սրբի կերպով: Օրինակ՝ անցյալ տարի Կողբ գյուղի Սուրբ Հովհաննես եկեղեցու «Խորհրդավոր ընթրիք» սրբապատկերի առաքյալը Տավուշի մարզպետ Հովիկ Աբովյանին էր հիշեցնում, չնայած մարզպետը պնդել էր, որ առաքյալն իրեն բոլորովին էլ նման չէ:
«Չգիտեմ, երեւի դա արվեստագետի մտահղացումն ու պատկերացումն է՝ ինչ-որ մեկի կերպարով տեսնելը: Օրինակ՝ երբ Խանջյանը ժամանակին «Վարդանանքն» էր գծում, այնտեղ դրել էր բոլոր հեղինակների, նույնիսկ իր ժամանակի մարդկանց պատկերները, ու բոլորը հիացել էին դրանով: Ամեն դեպքում, արվեստագետներին պետք է հարցնել՝ ինչու են այդպես անում»,- ասաց սրբազանը:
ԳՈՀԱՐ ՀԱԿՈԲՅԱՆ
«Առավոտ» օրաթերթ
10.06.2015
