Բաղրամյան պողոտայում է նաեւ դերասանուհի Լալա Մնացականյանը: Aravot.am-ի հետ զրույցում արվեստագետն ասաց, որ որպես ՀՀ քաղաքացի չէր կարող անմասն մնալ այն ամենից, ինչ կատարվում է այս պահին: «Շատ մեծ անարդարություն է կատարվել ժողովրդի հանդեպ, բացահայտ անարդարություն, դրա համար էլ եկել եմ, որ ասեմ՝ մի արեք այդպիսի բաներ, մենք արժանի չենք»:
Մեր հարցին՝ Բաղրամյան պողոտա գալով եւ ցույցերին մասնակցելով չի՞ վախենում կորցնել աշխատանքը, տիկին Լալան պատասխանեց. «Իրենք չեն տվել իմ աշխատանքը, ես իրենցից կախում եւ ակնկալիք չեմ ունեցել: Ես անում եմ իմ աշխատանքը, իրենք իրենցը: Վախենալու բան չկա այստեղ, ինչից վախենամ՝ բեմում խաղալո՞ւց: Ես կարծում եմ, որ ամենամեծ վախը պետք է ունենալ սեփական արժանապատվությունը կորցնելու համար»:
Գոհար ՀԱԿՈԲՅԱՆ
