«Նրանք արդեն իսկ հաջողության հասել են»,-հունիսի 26-ին «Հայելի» մամուլի ակումբում լրագրողների հետ հանդիպման ընթացքում, անդրադառնալով «Ոչ թալանին» նախաձեռնությանն՝ ասաց ԱԱԾ պետի նախկին տեղակալ Գուրգեն Եղիազարյանը:
Նրա խոսքերով՝ իշխանությունները պետք է լրջորեն մտածեն իրենց հետագա անելիքների մասին. «Ես խորհուրդ եմ տալիս առանց ժամ կորցնելու պետք է այդ օղակը կրկին վերադառնա, Հայաստանի Հանրապետության սեփականություն դառնա, որպեսզի մնացած մարդկանց, որ այստեղ խոպան հողեր են եկել, մտքերով երբեք չանցնի հայ ժողովրդի հետ այսպես վարվել»:
Գուրգեն Եղիազարյանի կանխատեսմամբ՝ ստեղծված իրավիճակը շատ վատ ելք կունենա. եթե զգոն չլինենք, կրկնվելու է Կիեւը. «Այսինքն՝ եթե այսօր Ուկրաինան 45 միլիոնանոց երկիր է, Եվրոպայի ամենամեծ երկիրն է՝ լրջագույն հնարավորություններով եւ բնական ռեսուրսներով, փոքրիկ Հայաստանը շատ փխրուն է, շատ փոքրիկ է: Մենք չենք կարող մեզ շռայլություն թույլ տալ, որպեսզի այս երիտասարդության ազնիվ մղումները վերածվեն այլ խաղերի, հայ-ռուսական բարեկամությունը ոտնահարող խաղի վերածել: Այ դրա համար պետք է զգույշ լինել, երիտասարդներն էլ պետք է զգույշ լինեն, ամեն կերպ հետեւեն այն բոլոր ելուզակներին, որոնք կփորձեն այս ամենը ուրիշ հունի վրա դնել»:
Կարդացեք նաև
Ամի ՉԻՉԱԿՅԱՆ
