Ադրբեջանից 1988-1992 թվականներին Հայաստան բռնագաղթված երեք ընտանիքի, որի անդամները վաղուց ստացել են ՀՀ քաղաքացիություն, կսեփականաշնորհվի Նոր նորքի 70 հասցեում գտնվող հանրակացարանի սենյակները, որտեղ փախստականները մոտ 20-23 տարի ապրում են: Հանրակացարանի սենյակները փախստականներին կտրվի ընդհանուր բաժնային սեփականության իրավունքով, հավասար բաժիններով:
Այս մասին տեղեկանում ենք կառավարության հուլիսի 16-ի նիստի օրակարգից:
Հարցը վարչապետ Հովիկ Աբրահամյանին կներկայացնի Պետական գույքի կառավարման վարչության պետ Արման Սահակյանը:
Սենյակները բնակիչներին կտրվի նվիրատվությամբ, այդուհանդերձ գույքային իրավունքների պետական գրանցման ծախսերը պետք է հոգան նվիրառու բնակիչները:
Կարդացեք նաև
Ըստ Արման Սահակյանի փախստական-բնակիչներն իրենք են դիմել պետգույքի կառավարման վարչություն` իրենց կողմից զբաղեցրած բնակելի տարածքները սեփականաշնորհելու խնդրանքով:
Լուսինե ԲՈՒԴԱՂՅԱՆ
