Որքան օգտակար են մրգերը, այնքան եւ նրանց որոշ տեսակի կորիզները: Մրգերի կորիզները հիմնականում պարունակում են վիտամին E եւ սելեն, որոնք բարձրացնում են իմունային համակարգը: Ամենաօգտակար կորիզներից է համարվում ծիրանի կորիզը, որը իր մեջ պարունակում է ցինկ, երկաթ, մանգան, պղինձ, կոբալտ, մագնեզիում, նատրիում, կալիում, կալցիում, վիտամիններ B15 եւ B17: Վիտամին B15-ն ունի խոլեստերինը իջեցնող հատկություն, լավացնում է հյուսվածքներում թթվածնի յուրացումը, խթանում է օրգանիզմի իմունային ակտիվությունը, հանում հոգնածությունը եւ վերականգնում ուժերը: Իսկ վիտամին B17-ը օժտված է հակաուռուցքային հատկությամբ, որի սակավության ժամանակ նկատվում է քրոնիկ հոգնածության ախտանիշ: Մագնեզիումի պարունակությամբ ծիրանի կորիզը զգալիորեն գերազանցում է ընկույզին, իսկ պղնձի քանակությամբ՝ նուշին:
Պատահական չէ, որ ծիրանի կորիզի յուղը ունի բուժիչ հատկություն: Բացի դեմքի, ձեռքերի խնամքի ժամանակ օգտագործելուց, այն նաեւ օգտագործում են ճաղատության համար՝ կարող եք այն քսել հոնքերին եւ թարթիչներին:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
16.07.2015
