«Ղարաբաղի ազատագրման» հասարակական կազմակերպությունն այսօր բողոքի ակցիա է անցկացրել Ադրբեջանում Վրաստանի դեսպանատան առջեւ: Այս տեղեկությունը Interfax.az-ին հայտնել է ՀԿ-ի ղեկավար Ակիֆ Նագին:
Ակցիան տեղի է ունեցել որպես բողոքի ցույց կապված հայ սահմանապահների կողմից Վրաստանի քաղաքացի, ծագումով ադրբեջանցի Տուրգայ Միքայլովի ձերբակալման առնչությամբ, ինչպես նաեւ, նրանց պնդմամբ՝ «հայերի կողմից Հայաստանի սահմանի մոտ գտնվող, ադրբեջանցիներով բնակեցված վրացական տարածքների գրավելու առնչությամբ»:
«Ոստիկանությունը թույլ չի տվել մեզ մոտենալ դեսպանատան շենքին, սակայն Ադրբեջանում Վրաստանի դեսպան Թեյմուր Շարաշենիձեն (լուսանկարում) ընդունել է ՀԿ-ի երկու անդամների, որոնք նրան հայտնել են մեր անհանգստությունը կապված Տուրգայ Միքայլովի եւ ադրբեջանցիներով բնակեցված վրացական տարածքների գրավման եւ ՀԿ-ի մի քանի ակտիվիստներին, այդ թվում անձամբ ինձ Վրաստանի տարածք ներս չթողելու համար»,- ասել է Ա.Նագին:
ՀԿ-ի ղեկավարի խոսքերով՝ նա եւ իր կազմակերպության մեկ ակտիվիստ ձերբակալվել են ոստիկանության կողմից եւ որոշ ժամանակ անց ազատ են արձակվել:
Կարդացեք նաև
Հաղորդվում է, որ բանակցությունների արդյունքում Վրաստանի դեսպանը շնորհակալություն է հայտնել ՀԿ-ին իր երկրի տարածքային ամբողջականության մասին մտահոգվելու համար:
Վրաստանի իշխանությունները զբաղվում են Միքայլովի ազատ արձակման հարցով եւ այդ հարցը օրերս իր լուծումը կստանա: Ադրբեջանում Վրաստանի դեսպանը ՀԿ-ի ներկայացուցիչներին խոստացել է նրանց դժգոհությունները հայտնել Վրաստանի իշխանություններին:
Պատրաստեց Աշոտ ԻՍՐԱԵԼՅԱՆԸ
Հարգելի Առավոտ, մի հատ կպարզաբանե՞ք, թե ըստ այս հրապարակման, որո՞նք են ադրբեջանցիներով բնակեցված վրացական տարածքները:
Հարգելի Տիգրան,
Սա մեր նյութը չէ, մենք վերցրել եւ թարգմանել են Interfax.az կայքից: Իսկ այնտեղ ընդամենը նշված է, թե այդ տարածքների հարցով այդ ՀԿ-ն անհանգստություններ է հայտնել:
Նյութի հեղինակը չի մասնավորեցնում, թե ինչ տարածքներ են դրանք: