Այսօր Արարատի մարզի ընդհանուր իրավասության դատարանում պետք է ցուցմունք տար ամբաստանյալ Արթուր Զադոյանը: Վերջինս, հիշեցնենք, մեղադրվում է ԱԺ նախկին ԲՀԿ-ական պատգամավոր Կարո Կարապետյանին (Յուվեցի Կարո) միջին ծանրության մարմնական վնասվածք պատճառելու մեջ: Արթուր Զադոյանը Արարատի մարզի Ներքին Դվին գյուղի բնակիչ է:
Պատգամավորի փաստաբան Կրոմվել Գրիգորյանը տեղեկացրել էր, որ դատաքննությունը մոտենում է ավարտին. «Օգոստոսի 19-ին ամբաստանյալը ցուցմունք կտա, որից հետո դատաքննությունը կավարտվի եւ կանցնենք ճառերի փուլին»:
Դատական նիստն այսօր, սակայն, չի կայացել, քանի որ դատախազը չի ներկայացել: Հաջորդ նիստը տեղի կունենա սեպտեմբերի 4-ին:
Հիշեցնենք, որ Արթուր Զադոյանին մեղադրանք է առաջադրվել` ապօրինի կերպով հրազեն և ռազմամթերք ձեռք բերելու եւ պահելու համար: 2009 թվականի հոկտեմբերի 05-ին ժամը 11-ի սահմաններում Արարատի մարզի Մարմարաշեն գյուղի հատվածում տեղի ունեցած վիճաբանության արդյունքում Կարո Կարապետյանի առողջությանը դիտավորությամբ պատճառել է միջին ծանրության վնաս և սպառնացել է սպանել: Քրեական գործի վարույթը կասեցվել էր, ապա վերսկսվել:
Կարդացեք նաև
Նելլի ԳՐԻԳՈՐՅԱՆ
