Կարտոֆիլով խնամեք ձեռքերն ու ոտքերը

Կարտոֆիլն ամենատարբեր տեսակներով օգտագործում են ոտքերի եւ ձեռքերի խնամքի մեջ: Նույնիսկ այն ջուրը, որի մեջ կարտոֆիլը խաշվել է, մաքրող եւ փափկեցնող ազդեցություն է ունենում մաշկի վրա: Կարմրած եւ թեփոտվող մաշկով ձեռքերը բուժելիս խորհուրդ է տրվում կոմպրեսներ անել խաշած եւ լավ տրորած տաք կարտոֆիլով: Ձեռքի վրա փաթաթում են բամբակե կտոր եւ կոմպրեսը պահում են այնքան, մինչեւ կարտոֆիլի զանգվածը սառչի:

Իսկ կրունկների ճաքերից ազատվելու համար առաջարկվում է մանր քերիչով անցկացրած հում կարտոֆիլը: Կարտոֆիլի քերուքը լցնել կտորի վրա եւ դնել կրունկին՝ վրայից հագնել կամ փաթաթել պոլիէթիլենային տոպրակ եւ պահել կես ժամ: Ապա մաշկը սրբել չոր կտորով եւ քսել ձիթապտղի յուղ:

Սովորաբար ճաքերը անցնում են 10-12 անգամից, իսկ կրունկները դառնում են փափուկ եւ նուրբ՝ անցնում են նաեւ կոշտուկները:

Պատրաստեց ԱՆՈՒՇ ՄԱԹԵՎՈՍՅԱՆԸ

Կարդացեք նաև

«Էդքան պարապ իշխանավոր կա, թող ամեն մեկի ձեռքը մի-մի կարմիր պապկա տան, ուղարկեն ռուսաստաններ` մեզ համար շուկաներ գտնելու». «Հրապարակ»

• 12:36 07.03.2024

Թունավորվել են թունախեղդած կարտոֆիլից

• 18:02 27.04.2023

Կարտոֆիլի սերմի ամբողջ խմբաքանակն այս փուլում ենթակա չէ որպես սննդամթերք օգտագործման․ մեղավորները սահմանված կարգով կենթարկվեն պատասխանատվության

• 13:15 18.03.2023

«Առավոտ» օրաթերթ
21.08..2015