Այս պահին Տնտեսական մրցակցության պաշտպանության պետական հանձնաժողովը դռնփակ նիստ է անում, որտեղ լսվում է քաղաքացի Մելինե Բեգլարյանի բողոքն ընդդեմ «Մարաթուկ» տուրիստական ընկերության: Նիստը պետք է սկսվեր ժամը 11-ին, սակայն 20-25 րոպե կողմերը դրսում սպասեցին:
Նիստին մասնակցելու էին եկել նաեւ սպառողների իրավունքների պաշտպաններ Բաբկեն Պիպոյանը եւ Կարեն Չիլինգարյանը:
Լրագրողներին արգելեցին նիստին մասնակցել, ասելով՝ ձեզ ոչ ոք չի հրավիրել: Երբ լրագրողները բացատրություն պահանջեցին, թե ինչ հիմնավորմամբ, հանձնաժողովի նախագահ Արտակ Շաբոյանը բոլորին ներս հրավիրեց: Հանձնաժողովի իրավաբանական հանձնաժողովի վարչության պետը պատճառաբանեց, որ թե դիմումատուի եւ թե ընկերության շահերից ելնելով նիստը դռնփակ են անում:
Չնայած նրան, որ «Մարաթուկի» ներկայացուցիչը պնդում էր եւ օրենքներ էր վկայակոչում, այնուամենայնիվ, հանձնաժողովի անդամները միաձայն որոշեցին նիստը փակ դռների հետեւում անցկացնել:
Կարդացեք նաև
Լրագրողները եւ սպառողների իրավունքների պաշտպանները ստիպված եղան դուրս գալ դահլիճից:
Այս պահին նիստը ընթանում է դռնփակ նիստը, թեեւ լրագրողների հետ զրույցում Մելինե Բեգլարյանն ասաց, որ ինքը դեմ չէ, որպեսզի նիստը բաց լինի:
Լուսինե ԲՈՒԴԱՂՅԱՆ
