«Հերթական անգամ մեր պատմության ընթացքում ունենք տարբեր իրականություններ, սակայն կարևոր չէ՝ ով է ավելի ստվար, ով սակավաթիվ թվում: Կարևորն այն է, որ հայ ժողովուրդը պահանջում է իրեն պատկանող Հանրապետությունը»,- այսօր սեպտեմբերի 21-ի առիթով «Հիմնադիր խորհրդարանի» կազմակերպած տոնական հավաքի ժամանակ ասաց «Ժառանգություն» կուսակցության նախագահ Րաֆֆի Հովհաննիսյանը:
Հրավերք ուղարկվել էր այն ընդդիմադիր ուժերին, որոնք «Ոչ»-ի ճակատում են: Ընդունելությանը ներկա էին «Ժառանգության», ԱԻՄ-ի, ներկայացուցիչները, Աշոտ Մանուչարյանը, Երվանդ Մանարյանը եւ այլ անհատ քաղաքացիներ: ՀԱԿ-ից եւ Հայաստանի ժողովրդական կուսակցությունից ոչ ոք ներկա չէր:
Aravot.am-ի հետ զրույցում «Հիմնադիր խորհրդարանի» ներկայացուցիչ Ժիրայր Սեֆիլյանն ասաց, որ Ստեփան Դեմիրճյանը զանգահարել եւ ներողություն է խնդրել, որ չի մասնակցելու միջոցառմանը, քանզի առողջական խնդիրներ ունի: Իսկ ՀԱԿ-ից, Ժիրայր Սեֆիլյանը ոչ մի տեղեկություն չուներ: «Իրենց հարցրեք: Իրենք, կարծեմ, այս օրն ավանդաբար հավաքվում են: Բայց էլի պիտի հրավիրենք»,- ասաց նա:
Կարդացեք նաև
«24 տարի առաջ մեզ միացնում էր մի տենչանք`հայրենիքի նկատմամբ: Այդ հպարտությունը, պատիվը, բերկրանքը ոչ ոք մեզանից չի կարող խլել: Հայ ժողովուրդը միաձայն «Այո» ասաց անկախությանը»,- ր ելույթում շարունակեց Րաֆֆի Հովհաննիսյանը`հավելելով. «Սակայն հիմա ունենք աղքատություն, արտագաղթ, կուսակցապետություն և գուբերնիա դառնալու վտանգ: Դրա համար մեր ժողովուրդը պետք է ի կատար ածի «Այո»-ն»:
Րաֆֆի Հովհաննիսյանը կարծում է, որ ժամանակը եկել է ու միասին պիտի նախաձեռնենք «քաղաքացիական ազգային հեղափոխություն», որ կներառի բոլորին. «Մենք պետք է դուրս գանք հատվածապաշտությունից և կերտենք մեկ ընդհանուր հոսանք, որը կբերի Սահմանադրականության վերականգնման և միասնության»: Նա իր կողմից պատրաստակամություն հայտնեց`միանալ այդ շարժմանը:
Մանրամասները՝ տեսանյութում:
Նելլի ԳՐԻԳՈՐՅԱՆ
