ՀՀԿ խմբակցության պատգամավոր Աշոտ Աղաբաբյանը նեղսրտել է, որ ինքը արդեն սնանկացել է իր ընկերություններում կատարված հարկային ստուգումների արդյունքում:
Այս առնչությամբ Aravot.am-ի հետ զրույցում Վարդան Այվազյանը դեռ հարցը չհնչած՝ միանգամից պատասխանեց. «Ես չեմ կարող մեկնաբանել մի բանի մասին, որի մասին գաղափար չունեմ: Ես չեմ իմանում Աշոտ Աղաբաբյանի գործունեության բուն արդյունքը: Ինչքան գիտեմ, ինքը վարձակալությամբ է տալիս, չեմ իմանում ինչ է անում: Իր ամենահիմնական թերություններից, պրոբլեմներից մեկը նա է, որ պետք է փորձի ավելի լավ կազմակերպել, երեւի դա է: Մրցակցություն է, հասկանում եք»:
Նա վստահեցրեց, որ բիզնեսում երբեմն խնդիրներ են լինում եւ իր ընկերություններն էլ դրանից ապահովագրված չեն. «Ես գործարան ունեի, որի փայատերերից մեկը ես էի, կանգնած է: Խնդիրներ եղան»:
Մեր հարցին՝ Ձեր ընկերություններում ստուգումներ չե՞ն անում՝ Վարդան Այվազյանը պատասխանեց. «Ինչի՞ չեն անում: Ես վերին արտի ցորե՞նն եմ: Եթե ռիսկային է՝ բոլորին էլ ստուգում են հավասար, եթե ռիսկային չի՝ չեն ստուգում»:
Կարդացեք նաև
Հռիփսիմե ՋԵԲԵՋՅԱՆ
