Եվրոպայի խորհրդարանական վեհաժողովի Ստրասբուրգում տեղի ունեցող աշնանային լիագումար նստաշրջանի շրջանակներում Մոնիտորինգի հանձնաժողովը անդրադարձել է Հայաստանի սահմանադրական բարեփոխումներին:
«Մոնիտորինգի հանձնաժողովը ողջունում է Հայաստանի սահմանադրական բարեփոխումների գործընթացի առաջընթացը, որը արվել է Վենետիկի հանձնաժողովի հետ սերտ փոխգործակցության ընթացքում: Սա որպես արդյունք մի տեքստ է դառել, որը, ըստ Վենետիկի հանձնաժողովի, շատ բարձր որակ ունի եւ համապատասխանում է միջազգային չափանիշներին»,- մասնավորապես նշված է այսօր տարածված հայտարարությունում:
Հանձնաժողովը նաեւ ողջունել է այն փաստը, որ սահմանադրական բարեփոխումները կընդունվեն հանրաքվեի միջոցով, եւ կոչ է արել բոլոր քաղաքական ուժերին մասնակցել այդ հանրաքվեին եւ քննարկումներին, որոնք դրա մասն են կազմում:
Մոնիտորինգի հանձնաժողովը նշել է նաեւ, որ որոշ հարցեր, որոնք ներառված են բարեփոխումների տեքստում, քաղաքականապես վիճելի են եւ հայ հասարակության շրջանակներում թեժ քննարկումների են ենթարկվել:
Կարդացեք նաև
«Հայաստանի քաղաքական համակարգը միայն երկրի քաղաքացիները պետք է ընտրեն սպասվող հանրաքվեի ընթացքում: Հանձնաժողովը, հետևաբար, կոչ է անում բոլոր քաղաքական շահագրգիռ ուժերին ապահովել, որ հանրաքվեն անցկացվի ժողովրդավարական ամենաբարձր չափանիշներին համապատասխան»,- ավելացրել է Մոնիտորինգի հանձնաժողովը:
Պատրաստեց Աշոտ ԻՍՐԱԵԼՅԱՆԸ
