Արդեն տեղեկացրել ենք, որ Եվրասիական տնտեսական բարձրագույն խորհրդի նիստում հաստատվել է Եվրասիական տնտեսական հանձնաժողովի Կոլեգիայի նախագահի պաշտոնի ստանձնման հարցը, ըստ որի, սահմանված կարգով այդ պաշտոնը 2016թ. փետրվարի 1-ից Ռուսաստանից անցնում է Հայաստանի Հանրապետության ներկայացուցիչ Տիգրան Սուրենի Սարգսյանին:
Ըստ «Interfax»-ի՝ Բելառուսի նախագահ Ալեքսանդր Լուկաշենկոն այս առնչությամբ ասել է, որ այս պաշտոնում Տիգրան Սարգսյանը կփոխարինի Վիկտոր Խրիստենկոյին:
Նա նաեւ ընդգծել է, որ Տիգրան Սարգսյանի թեկնածությունն այս պաշտոնի համար առաջադրել է Ռուսաստանի նախագահ Վլադիմիր Պուտինը. «Նրան հավանություն է տվել Ռուսաստանի նախագահը, նրանք իրար հետ աշխատել են եւ ասում են, որ շատ փորձառու եւ զարգացած մասնագետ է»:
Պատրաստեց Աշոտ ԻՍՐԱԵԼՅԱՆԸ
