Ռուսաստանի ոստիկանությունն ուսումնասիրում է Տուլայի շրջանում վթարված «Մոսկվա-Երեւան» երթուղով ընթացող ավտոբուսի վարորդի անուշադրության վարկածը: Այս տեղեկությունն, ըստ «Interfax»-ի, լրագրողներին փոխանցել է Տուլայի շրջանի դատախազ Ալեքսանդր Կոզլովը:
«Հիմնական վարկածը վարորդի անուշադրությունն է ճանապարհին: Գործը փոխանցվել է Ռուսաստանի ներքին գործերի նախարարության քննչական վարչություն: Տարածաշրջանի բոլոր ծառայությունները շատ արդյունավետ են աշխատել»,- ասել է Կոզլովը:
Ըստ նրա՝ նախնական տվյալներով՝ վարորդը բավականին գերազանցել է արագությունը ճանապարհի այդ հատվածում: Վթարի պահին ավտոբուսն ընթացել է 117 կիլոմետր-ժամ արագությամբ: Այդ վայրում առավելագույն արագությունը սահմանված է 70 կիլոմետր-ժամ:
Պարզվել է, որ ավտոբուսը վերանորոգման կետից դուրս է եկել վթարից մի քանի ժամ առաջ եւ սարքին վիճակում է եղել: Սակայն քննության ընթացքում կանցկացվի տեխնիկական զննություն:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
