Միասնական տեղեկատվական տարածք կստեղծվի Հավաքական անվտանգության պայմանագրի կազմակերպությանն անդամակցող երկրների համար: Այս հայտարարությունն, ըստ «TASS»-ի, այսօր արել է Ռուսաստանի պաշտպանության վերահսկման ազգային կենտրոնի ղեկավար Միխայիլ Միզինցեւը:
«ՀԱՊԿ ճգնաժամային կենտրոնի ստեղծման հետ կապված կատարվում են աշխատանքներ անդամ երկրների համար միասնական տեղեկատվական տարածք ձեւավորելու ուղղությամբ»,- ասել է նա:
Միզինցեւի խոսքերով՝ օգոստոսին տեղի ունեցած «Փոխգործակցություն-2015» զորավարժությունների ընթացքում համատեղ աշխատանքի դրական փորձ է ձեռքբերվել:
Կայքը հիշեցրել է, որ 2014 թվականի դեկտեմբերի ՀԱՊԿ գագաթնաժողովի ընթացքում ՌԴ նախագահ Վլադիմիր Պուտինը հայտարարել է, որ Ռուսաստանի պաշտպանության վերահսկման ազգային կենտրոնն աշխատելու է կազմակերպության անդամ բոլոր երկրների համար, որպեսզի բարձրացվի ազգային պաշտպանության համակարգի կառավարելիությունը:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
