Րաֆֆի Հովհաննիսյանը Սերժ Սարգսյանի հրաժարականի մասին. «Ուզում եմ, որ լավ նշեն անունը» (Տեսանյութ)

Այսօր Ազատության հրապարակում «Նոր Հայաստանի» հանրահավաքի ժամանակ «Ժառանգության» ղեկավար Րաֆֆի Հովհաննիսյանը դատապարտելով հանրաքվեի ընթացքում տեղի ունեցող կեղծիքներն ու խախտումները, հայտարարեց, որ «Նոր Հայաստանը» պահանջում է ՀՀ նախագահ Սերժ Սարգսյանի  հրաժարականը:

Aravot.am-ը պարոն Հովհաննիսյանից հետաքրքրվեց՝ ի՞նչ է պատրաստվում անել «Նոր Հայաստանը», եթե իրենց պահանջները իշխանությունը չկատարի: Րաֆֆի  Հովհաննիսյանն այս առնչությամբ ասաց. «Արդեն ամեն ինչ ասված է, դա անցյալին է պատկանում, նոր Հայաստանը գալու է: Որոշումն իրենն է՝ դասագրքերում իր անունն ինչպես են նշելու: Ուզում եմ, որ լավ նշեն»:

Մանրամասն՝ տեսանյութում.

Ինչպես արդեն տեղեկացրել ենք,   «Նոր Հայաստանը» երթով Ազատության հրապարակից շարժվեց դեպի Կենտրոնական ընտրական հանձնաժողովի շենքի մոտ, որտեղ ոստիկանները պատ էին կազմել:  Երթը հետո շարժվեց կրկին Ազատության հրապարակ, մասնակիցները սպասում են ԿԸՀ-ի՝ հանրաքվեի արդյունքների ամփոփմանը, որից հետո «Նոր Հայաստանը»  կորոշի հետագա քայլերը:

Նելլի ԲԱԲԱՅԱՆ