Քաղաքական դրդապատճառներով հետապնդվող անձանց իրավունքների հարցերով հանձնաժողովի առաջին ասուլիսին իրավապաշտպան Հովհաննես Իշխանյանը եկել էր Ադրբեջանում ազատազրկման ենթարկված «Աբզաս մեդիայի» աշխատակիցների, «Ազատություն» ռադիոկայանի լրագրողի, 2009 և 2020 թվականին ադրբեջանական բանտում սպանված թալիշների առաջնորդների լուսանկարներով։ Հիշատակված լրատվամիջոցների լրագրողները, տարբեր ադմինիստրատիվ աշխատակիցներ, 7.5-15 տարի ազատազրկման են ենթարկվել մեր հարևան երկրում։ Նրանցից շատերն իրենց գործունեության ընթացքում հանդես են եկել հայ-ադրբեջանական հարաբերությունների հաշտեցման տեսանկյունից։
Հովհաննես Իշխանյանը նկատեց՝ Ադրբեջանն աննախադեպ է քաղբանտարկյալների թվով․ այդ երկրում 375 քաղբանտարկյալ կա՝ լրագրողներ, քաղաքագետներ, հասարակական գործիչներ, վերլուծաբաններ։
Կարդացեք նաև
Իրավապաշտպանը հիշեցնում է՝ 2026-ի մայիսի 2-3-ը ԵՄ արտաքին հարցերի հանձնակատար Կայա Կալասը Ադրբեջանում էր, ապա՝ Եվրահանձնաժողովի նախագահ Ուրսուլա ֆոն դեր Լայենը։ Թեև եվրոպացի այս երկու չինովնիկ կանայք Ադրբեջան իրենց այցի ընթացքում հստակ հանձնարարականով էին, բայց այդպես էլ հանձնարարությունը չեն կատարել և չեն խոսել քաղբանտարկյալների մասին։ Բանախոսը հավելեց՝ նրանք չեն խոսում նաև Հայաստանում քաղբանտարկյալների առկայության մասին՝ այդպիսով աղճատելով Եվրոպայի և եվրոպական արժեքների մասին պատկերացումները։
Հովհաննես Իշխանյանի դիտարկմամբ՝ այս երկու պաշտոնյաներն էլ ողջունել են ՀՀ-Ադրբեջան խաղաղության գործընթացը՝ եզրակացնելով, փաստորեն, աշխարհաքաղաքական այս գործընթացին ստորադասվում են մարդու իրավունքները՝ ալիևյան և նիկոլյան ռեժիմների ձեռամբ և եվրոպացի չինովնիկների խրախուսմամբ։
Հովհաննես Իշխանյանի բնութագրմամբ՝ Հայաստանյան և Ադրբեջանի քաղբանտարկյալները «խաղաղության բանտարկյալներ» են։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
