ԵՄ-ն և Հայաստանն այսօր մեկնարկեցին նոր իրավական շրջանակի շուրջ բանակցությունները երկկողմ հարաբերությունների խորացման նպատակով: Բանակցությունների մեկնարկը տրվեց Եվրոպական միության արտաքին գործերի և անվտանգության քաղաքականության բարձր ներկայացուցիչ, Եվրոպական հանձնաժողովի փոխնախագահ Ֆեդերիկա Մոգերինիի և Հայաստանի Արտաքին գործերի նախարար Է. Նալբանդյանի կողմից:
«ԵՄ-ն և Հայաստանի համատեղ արժեքները և լուրջ հանձնառությունը ժողովրդավարության, մարդու իրավունքների, օրենքի գերակայության նկատմամբ նոր համաձայնագրի հիմք են», ասաց բարձր ներկայացուցիչ, Եվրոպական հանձնաժողովի փոխնախագահ Ֆեդերիկա Մոգերինին: «Այն բարենպաստ պայմաններ կստեղծի համագործակցությունն համար այնպիսի ոլորտներում, ինչպիսիք են էներգետիկան, տրանսպորտն ու բնապահպանությունը, և նաև առևտրի և ներդրումների և տեղաշարժի ընդլայնման նոր հնարավորություններ կբացի մեր քաղաքացիների համար», հավելեց նա:
Ապագա համաձայնագիրը կփոխարինի 1999 թվականից գործող Գործընկերության և համագործակցության համաձայնագիրը վերստին կսահմանի ԵՄ-Հայաստան հարաբերությունները՝ վերջերս վերանայված Եվրոպական հարևանության քաղաքականության և Արևելյան գործընկերության ավելի լայն շրջանակներում: Այն նաև հնարավորություն է ընձեռում փակելու 2013 թվականին հաջորդող անորոշությունների փուլը, երբ ԵՄ-Հայաստան ԱԱ/ԽՀԱԱԳ բանակցություններն այլևս անհնարին դարձավ ամփոփել Եվրասիական տնտեսական միությանը անդամակցելու վերաբերյալ Հայաստանի որոշման հետևանքով:
Բանակցությունների մեկնարկը հաջորդում է համընդգրկուն համաձայնագրի նպատակով ոլորտների համատեղ ուսումնասիրության հաջող իրականացմանը, որն ընդգրկելու է քաղաքական, տնտեսական, և ոլորտային համագործակցություն և հաշվի է առնելու Հայաստանի միջազգային պարտավորությունները: Կողմերի միջև բանակցություններն այժմ առաջ կընթանան ողջ ներուժով:
Կարդացեք նաև
ԵՄ Պատվիրակություն Հայաստանում
