«Նոր Հայաստան» հանրային փրկության ճակատն իր հեռանկարային ծրագրերի մասին հստակեցումներ կանի դեկտեմբերի 11-ին Ազատության հրապարակում անցկացվելիք հանրահավաքին:
Դիտարկմանը՝ երեկ նախագահականում Սերժ Սարգսյանը հայտարարեց, որ արդեն գործ ունենք կառավարման նոր համակարգի հետ, «Հանրային փրկության» ճակատի անդամ, «Ժառանգություն» կուսակցության փոխնախագահ Արմեն Մարտիրոսյանն արձագանքեց. «Ներկա սահմանադրությունը հաջորդ տարի ամռանը նոր սկսելու է տարբեր հոդվածների հետ կապված ուժի մեջ մտնել: Դեռ չեմ խոսում այն մասին, որ անցումային փուլը մինչև 2018-ն է նախատեսված: Ես իր ելույթը դեռ չեմ կարդացել, բայց մի բան հստակ կարող եմ ասել, որ սահմանադրությունը ուժի մեջ չի մտել, առավել ևս այն խորհրդարանական չէ, այլ դեռ միակուսակցական»:
Այս առիթով «Նոր Հայաստան» հանրային փրկության ճակատի քաղաքական խորհրդի անդամ Ժիրայր Սեֆիլյանը Սերժ Սարգսյանի հայտարարության վերաբերյալ հարցին ի պատասխան` հայտարարեց. «Այն փաստը, որը նրանք սվինների ուժով, զոռով փորձել են ընդունել նման փաստաթուղթ, դա լինելու է այս ռեժիմի մահախոսականը»:
Տաթև ՀԱՐՈՒԹՅՈՒՆՅԱՆ
Կարդացեք նաև
