Երեկ Երեւանի քաղաքապետարանում տեղի է ունեցել աշխատանքային խորհրդակցություն, որի ժամանակ ասվել է, որ մոտ օրերս մայրաքաղաքում ձյուն է գալու։ Այդ առթիվ Տարոն Մարգարյանը հանձնարարել է «Սանիթեք» ընկերությանը, քաղաքապետարանի եւ վարչական շրջանների ղեկավարների աշխատակազմերի համապատասխան ծառայություններին նախապատրաստական աշխատանքներ տանել ու պատրաստվել ձնամաքրման պատշաճ աշխատանքների կազմակերպմանը։
Սա լավ է, որ նախօրոք պատրաստվում են եղանակային փոփոխություններին։ Սակայն մի տեսակ տարօրինակ է, որ Տարոն Մարգարյանն է զգուշացնում «Սանիթեքին», որ ձյուն է գալու։ Կամ հանձնարարում է նախապատրաստվել։ «Սանիթեքը» մի ընկերություն է, որի գործառույթների մեջ, այսպես թե այնպես, մտնում են ձնամաքրման աշխատանքները, եղանակային փոփոխություններին պատրաստ լինելը եւ այլն։ Ու եթե քաղաքապետն է այս ընկերությանը զգուշացնում, որ ձյուն է գալու, ստացվում է, որ մինչեւ չզգուշացնի, չեն իմանա, որ ձյուն է գալու, կամ պատրաստ չեն լինելու։ Մինչդեռ առանց քաղաքապետի ասելու էլ պետք է։ Պատրաստ լինեն։ Կամ էլ, այնքան վատ են աշխատել, իսկ մենք դրանում համոզվեցինք տարվա սկզբում, որ Տարոն Մարգարյանը ստիպված անձամբ է նրանց զգուշացնում եղանակային փոփոխությունների մասին։
Մհեր ՂԱԼԵՉՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
