ՄԻԵԴ-ում 2008 թվականի մարտի 1-ի սպանությունների գործերով քննության շուրջ հաղորդակցությունն, ինչպես հայտնի է, արդեն սկսվել է: ՄԻԵԴ-ը դիմել է ՀՀ կառավարությանը`պարզաբանումների համար: ՀՀ կառավարությունն էլ երկու ամիս հավելյալ ժամկետ է խնդրել հարցադրումներին պատասխանելու համար:
Մարտի 1-ի գործով կալանավորված Գագիկ Ջհանգիրյանը դա նորմալ է համարում. «Ընդունված պրակտիկա է ՄԻԵԴ-ում»:
Այսօր խորհրդարանում լրագրողների հետ զրույցում արձագանքելով Aravot.am-ի հարցին`ՀՀ կառավարությունում ժամանա՞կ են ձգում, ՀԱԿ պատգամավորն ասաց. «Դժվար է պատասխանել, հեշտ չէ, որովհետեւ արդյունավետ քննություն չի կատարվել: Ոչ մի մարդասպան պատժված չէ»:
Նելլի ԳՐԻԳՈՐՅԱՆ
