Շենգավիթ վարչական շրջանի ընդհանուր իրավասության դատարանում փետրվարի 2-ին դատավոր Նելլի Բաղդասարյանի նախագահությամբ շարունակվում էր Վարդգես Գասպարիի գործով դատական նիստը:
Դատական նիստը տեղի ունեցավ առանց մեղադրյալ Վարդգես Գասպարի ներկայության: Փոխարենն այսօր ներկայացել էր նրա նոր պաշտպանը՝ Լյուդվիգ Ավետիսյանը:
Հանրային պաշտպանի գրասենյակը Լյուդվիգ Ավետիսյանին ներկայացրել է, որպես պաշտպան: Վերջինս դատարանից խնդրեց իրեն տրամադրել ժամանակ՝ գործի նյութերին ծանոթանալու համար:
Դատարանը բավարարեց եւ այս միջնորդությունը, եւ դատախազ Վահագն Մանուկյանի միջնորդությունը՝ Վարդգես Գասպարիին բերման ենթարկելու մասին:
Կարդացեք նաև
Դատական նիստը հետաձգվեց փետրվարի 15-ին:
Անուշ ՄԱԹԵՎՈՍՅԱՆ
Լուսանկարում՝ Վարդգես Գասպարին նախկինում այսպես էր բերման ենթարկվել դատարան: