ԱԺ պատգամավոր Թեւան Պողոսյանի համոզմամբ, առանց համակարգային փոփոխությունների ինչ-որ ոլորտներում առաջընթաց ապահովելը դժվար կլինի:
Անդրադառնալով ՀՅԴ-ՀՀԿ հնարավոր կոալիցիային՝ պատգամավորը նկատեց, որ մեկ տարի հետո՝ ԱԺ ընտրություններից առաջ, նրանցից պահանջվելու են կոալիցիայի արդյունքները. «Պահանջվելու է պատասխան, թե ինչ փոխեցին իրենք և ինչ արդյունքներ բերեցին…Ես կարծում եմ, որ իշխանությունները պատասխանատվության լղոզման ճանապարհով են գնում, որ ասեն, թե ամեն ինչի պատասխանատուն, մեղավորը միայն իրենք չեն»:
Պատգամավորի կարծիքով, Սահմանադրական բարեփոխումները կարևոր խնդիր ունեն, փոփոխությունները ենթադրում են, կոալիցիաները պետք է կազմվեն իրական պատասխանատվություն կրելու հիմքում:
Ինչ վերաբերում է 2017 թվականի ընտրություններին իր մասնակցությանը, Թևան Պողոսյանն ասաց, որ դեռ չի մտածել այդ մասին. «Ժամանակ ունեմ մտածելու և հասկանալու, թե կա՞ մի քաղաքական ուժ, որի հետ կուզենամ շարունակել աշխատել և արդյոք կա՞ մի քաղաքական ուժ, որը կցանկանա, որ լինեմ իրենց շարքերում: Ես միշտ ունեմ տեղ վերադառնալու, ես չունեմ խնդիր, եթե այստեղ չլինեմ, ուր եմ գնալու և այստեղից այնտեղ թռնեմ»:
Կարդացեք նաև
Արփինե ՍԻՄՈՆՅԱՆ
