Դաշնակցության մեջ շատ ու շատ ընկերներ ունեմ: 2009թ. երբ այս պորտֆելը ստանձնեցի Սպարտակ Սեյրանյանից, բազմիցս հանդիպել ենք եւ աշխատում ենք սահուն փոխանցում կատարել, որովհետեւ համակարգն այնպիսին է, որ նախարարի քաղաքական պատկանելիությունը կարող է նշանակություն ունենալ դետալների մեջ: Իսկ ռազմավարական առումով, եթե հետեւեք Հայաստանի կրթական բարեփոխումներին, վերջին 15-20 տարիներին քաղաքական պատկանելիությունը չի ազդել քաղաքական նպատակների վրա, որովհետեւ ազգային դպրոց է՝ միջազգային ստանդարտներին համապատասխան»,-այսօր լրագրողների հետ զրույցում ասաց Կրթության եւ գիտության նախարար Արմեն Աշոտյանը՝ պատասխանելով «նեղացած չէ՞ք դաշնակներից» հարցին:
«Դաշնակցության բերած՝ Դաշնակցության տարած»՝ այսպես եմ կատակել դաշնակցական հավաքներից մեկում: Միշտ ասել եմ՝ 2012 թվականին, երբ մամուլը գուժում էր իմ հրաժարականի մասին, 2014թ.-ին, 2015թ.-ին եւս ասում էին, որ նախարարական գագաթաժողովից հետո Աշոտյանը հասել է իր բարձունքին եւ այլեւս անելիք չունի, բայց միշտ հոգեբանորեն պատրաստ եմ: Դա չի նշանակում, թե չեմ սիրում իմ աշխատանքը: Չեմ պատրաստվում ոլորտը լքել, որովհետեւ չեմ կարող լքել մի ոլորտ, որտեղ 7 տարի ավելի շատ եմ եղել, քան մեր տանը»,-հավելեց Արմեն Աշոտյանը:
Ինչ վերաբերում է նոր պաշտոնին, նախարարը հրաժարվեց մեկնաբանել:
Կարդացեք նաև
Լուիզա ՍՈՒՔԻԱՍՅԱՆ
