Այսօր, փետրվարի 16-ին, ժամը 16-ի սահմաններում հանգամանքների բերումով եղանք Կոտայքի մարզի Առինջ գյուղում: Տեսանք, որ «Առինջ» անունը կրող ցայտաղբյուրում ջուր գրեթե չկար: Տեղացի մի երիտասարդ ասաց, որ սակավաջուր ցայտաղբյուրի հարեւանությամբ գտնվող շենքը Առինջի «ակումբն է»:
Այնտեղից դուրս էին գալիս երեխաներ, որոնց մի մասը տարբեր կերպ փորձում էր ջուր կորզել գրեթե անջուր ցայտաղբյուրից: Մանուկներից մեկը շրթունքներով հպվելով ցայտաղբյուրին՝ փորձում էր այնտեղից ջուր ներմղել: Մեկ ուրիշն էլ բութ մատը թեքությամբ դնելով ծորակի գլխին՝ փորձում էր ջրի փոքրիկ շիթ ստեղծել եւ դրանով հագեցնել ծարավը:
Ոսկան ՍԱՐԳՍՅԱՆ
