Ամերիկայի հայ դատի հանձնախմբի արևմտյան թևը հայտարարել է, որ Այդահո նահանգում հաջողությամբ տապալվել է Ադրբեջանը որպես դավանական առումով հանդուրժող և բազմամշակութային երկիր ներկայացնող բանաձևը:
Բանաձևի տապալումը Հայ դատի հանձնախմբին հաջողվել է իրականացնել 48 ժամվա ընթացքում:
«Մենք հպարտ ենք, որ Այդահո նահանգը միացավ Հավայի, Կոլորադո,Կալիֆորնիա և մյուս նահանգներին՝ մերժելով Ադրբեջանի բռնատիրական վարչակարգը, որը հայտնի է քաղաքացիների և մամուլի նկատմամբ ճնշումներով և քրիստոնյա բնակչության հետապնդումներով»,- ասել է Ամերիկայի հայ դատի հանձնախմբի արևմտյան թևի գործադիր տնօրեն Էլեն Ասատրյանը, որի խոսքերը մեջբերվում է Հանձնախմբի կայքում:
Նրա խոսքով՝ բռնատիրությունը, որ ավելի շատ քրիստոնեական հուշարձաններ է ավերել քան «Իսլամական պետությունը» և գրաքննության մակարդակով աշխարհի 5-րդ երկիրն է, չպետք է գովաբանվի դավանական հանդուրժողականության համար:
Կարդացեք նաև
Համապատասխան բանաձևը Այդահոյի պետական հարցերով հանձնաժողովին էր ներկայացվել 2016թ. փետրվարի 11-ին:
Պատրաստեց՝ Վիկտորյա ԱՆԴՐԵԱՍՅԱՆԸ
