Վերջին շրջանում բազմաթիվ քաղաքացիներ դժգոհություն են հայտնում կապված պետպատվերի հետ. Մարդիկ բողոքում են, որ տարբեր հիվանդանոցներում պետպատվերով բուժումը մերժում են: Այս առնությամբ այսօր լրագրողները կառավարության նիստից հետո առողջապահության նախարար Արմեն Մուրադյանին հարցրեր ուղղեցին: Պետպատվերի մասին նախարարն ասաց.«Խնդիրները, որոնք կան տարիներով կուտակված, առկա են: Յուրաքանչյուր երկրում առողջապահական ոլորտում միշտ լինում են սոցիալական լարվածություն ու խնդիրներ: Առողջական խնդիրները շատ քչերին են հաճույք պատճառում, բացառությամբ ծննդօգնության եւ պլաստիկ վիրահատությունների: Հիմնականում դա կապված է որոշակի լարվածության հետ»: Մուրադյանի ներկայացմամբ՝ 2014 թվականին 400 հազարից 329 հազար դեպքը ֆինանսավորել է պետությունը, 2015-ին՝ 226 հազար դեպք եւս ֆինանսավորել է պետությունը. «Այսինքն` այս մեծ բեռը իր վրա է վերցրել պետությունը եւ այդ աշխատանքների ընթացքում կարող են լինել որոշակի խնդիրներ»:
Պետպատվերը վատ կազմակերպելու համար նախարարը ՀՀ վարչապետից նկատողություն է ստացել, լրագրողների այս դիտարկմանը՝ Մուրադյանն ասաց.«Երեկ հաշվետվություն է ներկայացվել, գնահատվել է բավարար, եղել են որոշակի խնդիրներ ու առաջարկներ: Կարծում եմ՝ աշխատանքային է եղել»: Արմեն Մուրադյանը հաստատեց մամուլում հրապարակված նախարարության աշխատակազմի փոփոխության մասին տեղեկությունները. «Քննարկվում են նախարարության օպտիմալացման խնդիրները՝ ինստիտուցիոնալ սկզբունքների վրա: Մասնավորապես՝ ընդհանուր ռազմավարությունը առողջապահության մոտակա տարիների, եւ, ըստ կարիքների գնահատման, որն այս տարի մենք վերցրել ենք, որպես գերակա խնդիր, ըստ դրա կլինի համապատասխան առաջարկներ, թե ինչպիսի կառույցներ ինչ կազմում պետք է իրականացվի»:
ԱԺ նախագահ Գալուստ Սահակյանի առողջական վիճակի մասին էլ նախարարն ասաց, որ նա առայժմ բժիշկների հսկողության տակ պետք է լինի:
Մանրամասն՝ տեսանյութում
Կարդացեք նաև
Նելլի ԲԱԲԱՅԱՆ
