Անդրադառնալով ԵՏՄ երկրներից ավտոմեքենաների ներկրման դեպքում գանձվող ավելացված արժեքի հարկին, կառավարության այսօրվա նիստի սկզբում վարչապետ Հովիկ Աբրահամյանը նշեց, որ վերջին շաբաթների ընթացքում այս հարցը բուռն քննարկվում է:
Ըստ նրա, Ղազախստանում եւս այսօր գործում է նման անցումային սահմանափակում: Հովիկ Աբրահամյանի խոսքերով, վերջին մեկ տարվա ընթացքում Հայաստանի կառավարությունը անընդհատ եւ ակտիվ քննարկումներ է ունեցել ԵՏՄ գործընկերների հետ՝ առեւտրի հիմնական խոչընդոտ հանդիսացող ավելացված արժեքի հարկի անկատար մեխանիզմների վերացման ուղղությամբ. «Քննարկելով հարցը ՀՀ նախագահի հետ՝ մենք որոշել ենք վերանայել այս ոլորտը կարգավորող օրենսդրությունը: Առաջարկում եմ կառավարության նիստի օրակարգ լրացուցիչ հարց մտցնել՝ Եվրասիական տնտեսական միության երկրներից մեր քաղաքացիների կողմից ներկրված մեքենաների ԱԱՀ հարկով հարկման անցումային դրույթները վերացնելու վերաբերյալ»:
Լուսինե ԲՈՒԴԱՂՅԱՆ
Կարդացեք նաև
