«Հայաստանը կլիներ ավելի ուժեղ, ավելի հզոր»,- մարտի 5-ին՝ Վազգեն Սարգսյանի ծննդյան օրը, Եռաբլուրում, պատասխանելով լրագրողների հարցին, թե ինչպիսի՞ն կլիներ Հայաստանը, եթե Վազգեն Սարգսյանը կենդանի լիներ, պատասխանեց վարչապետ Հովիկ Աբրահամյանը:
Նշենք, որ Վազգեն Սարգսյանի ծննդյան կապակցությամբ Երկրապահ կամավորականների միություն, մի շարք պաշտոնյաներ եւ քաղաքացիներ այցելել էին Եռաբլուր՝ Վազգեն Սարգսյանի շիրիմին: Այդ թվում նաեւ՝ վարչապետ Հովիկ Աբրահամյանը, պաշտպանության նախարար Սեյրան Օհանյանը, ԵԿՄ անդամներ Մանվել Գրիգորյանը եւ Սեյրան Սարոյանը:
Նա նշեց, որ հայ ժողովուրդը եւ իշխանությունը բարձր է գնահատում Վազգեն Սարգսյանի ներդրումը Հայաստանի կայացման, Արցախի ազատագրման, Արցախի կայացման գործընթացներում. «Յուրաքանչյուր հայ ուղղակի պարտավոր է հիշել եւ հարգել սպարապետի հիշատակը: Եվ մեր ապագա սերունդը, մեր երիտասարդությունը թո՛ղ հիշի, որ մենք ունեցել ենք նման հզոր քաղաքական գործիչ»:
Ամի ՉԻՉԱԿՅԱՆ
Կարդացեք նաև
