Ազգային ժողովում մարտի 11-ին գումարվեց Հավաքական անվտանգության պայմանագրի կազմակերպության խորհրդարանական վեհաժողովի (ՀԱՊԿ ԽՎ) խորհրդի արտագնա նիստը:
Նիստի ավարտից հետո ՀԱՊԿ ԽՎ-ի խորհրդի նախագահ, Ռուսաստանի Պետդումայի նախագահ Սերգեյ Նարիշկինը անդրադարձավ ահաբեկչության դեմ պայքարին. «Ներկայումս հիմնական սպառնալիքը գալիս է Մերձավոր Արեւելքից, ահաբեկչական խմբավորումներից, որոնք գործում են Սիրիայի տարածքում եւ ընդհանրապես աշխարհի այդ մեծ եւ պայթյունավտանգ տարածքում: Այն ձեւավորվել է Իսլամական պետություն անունով, ոչնչացնում է մարդկանց, ոչնչացնում է համաշխարհային մշակութային ժառանգության օբյեկտները, փորձում է թաքնվել իսլամի անվան տակ, սակայն իսլամի հետ որեւէ առնչություն չունի»:
Ամի ՉԻՉԱԿՅԱՆ
