«Երեւանում ասում են, որ եթե չմիանաք Ռուսաստանին, ապա, կոպիտ ասած, Ռուսաստանը Հայաստանը կտա Ադրբեջանին: Ես այս հարցում նորից վստահ չեմ, որովհետեւ եթե Ռուսաստանը սահմանափակի իր ներկայությունը Հայաստանում, ապա Հայաստանը չի մնա անմարդաբնակ կղզում Ադրբեջանի հետ: Եվրամիությունը, ԱՄՆ-ն սկսել են ազդել Ռուսաստանի վրա եւ կարողացել են սահմանափակել Ռուսաստանի միջամտությունը Ուկրաինայում (մենք խոսում ենք Ուկրաինայում ռուսական զորքերի առկայության մասին, բայց չենք խոսում այլեւս ռազմական բախման մասին, կոնֆլիկտը սառեցված է-Ս. Գ.): Աստված մի արասցե, եթե նմանատիպ խնդիր առաջանա Հայաստանում, ապա կարծում եմ, որ ո՛չ Եվրամիությունը, ո՛չ ԱՄՆ-ն, ո՛չ ԵԱՀԿ-ն թույլ չեն տա կոնֆլիկտի սրում: Եւ կարեւոր է, որ ԵԱՀԿ-ն հիմա ղեկավարում է Գերմանիան. Ով-ով, բայց Գերմանիան երբեք չի ցանկանա կոնֆլիկտի սրում»,-«Առավոտի» հետ զրույցում ասել է ուկրաինացի քաղաքական փորձագետ Սերգեյ Գերասիմչուկը:
Մանրամասները՝ վաղվա տպագիր «Առավոտում»:
Հռիփսիմե ՀՈՎՀԱՆՆԻՍՅԱՆ
Հարգելի Հայեր, այս Սերգեի ասածները իրականության հետ Հեչ կապ չունեն.
Այդպես էին պնդում նաև նախորդ դարի սկզբներին: Հետաքրքիր է, ուր անհետացան նրանք` Անգլիա, ԱՄՆ, Գերմանիա և այլն: Հետևությունը մեկն է` մեր արտաքին քաղաքականությունը պետք է բխի մեր երկրի շահերից, որի համար իհարկե պետք է պետականամետ և ժողովրդամետ իշխանություն: