ԱԺ ԲՀԿ խմբակցության պատգամավոր, «Հզոր Հայրենիք» կուսակցության նախագահ Ստեփան Մարգարյանն «Ազատություն» ռադիոկայանի հետ զրույցում հայտարարել է, որ գործակցելու է Վարդան Օսկանյանի ստեղծելիք կուսակցության հետ: Ընդհանրապես, այդ ապագա կուսակցության մասին Ստեփան Մարգարյանը կարծես թե ավելի շատ բան է ասել, քան Վարդան Օսկանյանը:
Մարգարյանը հայտարարել է, որ կուսակցությունում կլինեն հայտնի դեմքեր, և կուսակցությունը լուրջ ներկայացվածություն կունենա խորհրդարանում: Բնականաբար, նա շրջանցել է Ռոբերտ Քոչարյանի հետ առնչության թեման: Այդ թեման հասկանալիորեն փակուղի է Հայաստանում քաղաքական գործունեություն ծավալող ցանկացած ուժի համար: Բոլորն են հասկանում, որ ներկայումս Քոչարյանի հետ ասոցացումը խիստ վտանգավոր է իրենց հանրային վարկանիշի համար, դարձնում է այն խոցելի:
Բանն այն է, որ Քոչարյանի հանդեպ լոյալ դիրքորոշում ունեցող ուժի համար գործնականում անհնար է հանրությանը համոզել, որ ինքը պայքարելու է Հայաստանում իշխող համակարգ փոխելու համար: Որքան անհավատալի է, որ Սերժ Սարգսյանը կգնա խորքային համակարգային փոփոխությունների, նույնքան էլ անհավատալի է, որ Հայաստանում համակարգային իշխանափոխություն կարող է անել մի ուժ, որը չի համարձակվում քննադատել Ռոբերտ Քոչարյանի իշխանության ժամանակաշրջանը և ավելին՝ այն համարում է դրական և լոյալ է վերաբերվում Քոչարյանի քաղաքականություն վերադարձին:
Արամ Ամատունի
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
