1967 թվականից ապրիլի 2-ը նշվում է որպես Մանկական գրքի միջազգային օր՝ ի պատիվ դանիացի արձակագիր, բանաստեղծ, հեքիաթագիր Հանս Քրիստիան Անդերսենի: 1805 թվականի հենց այդ օրն է ծնվել Անդերսենը:
Օրը նշվում է նաև Հայաստանում:
«Մանկական գրքերը պետք է ճաշակ թելադրեն, նպաստեն երեխայի երևակայության զարգացմանը: Հետևաբար՝ ծնողներն ու ուսուցիչները պետք է ուշադիր լինեն գրքի ընտրության և ընթերցանության հարցում երեխաներին ուղղորդելիս»,- «Տեսակետ» մամուլի ակումբում այսօր լրագրողների հետ հանդիպման ժամանակ ասաց մանկագիր, թարգմանչուհի Նունե Թորոսյանը:
Խնկո Ապոր անվան ազգային մանկական գրադարանի փոխտնօրեն Մադլեն Հովսեփյանի համոզմամբ՝ ընթերցանության հանդեպ սերը ծնվում է ընտանիքում. «Եթե ծնողը քնելուց առաջ երեխայի համար գոնե մեկ հեքիաթ կարդա, երեխայի մեջ աստիճանաբար սեր կարթնանա դեպի ընթերցանությունը»,- նշեց Մադլեն Հովսեփյանը:
Կարդացեք նաև
«Անտարես» հրատարակչության տնօրեն Արմեն Մարտիրոսյանի գնահատմամբ՝ այսօրվա դպրոցական դասագրքերում այնպիսի մանկագիրների ստեղծագործություններ են տպագրվում, որոնք տաղանդով չեն փայլում. «Եթե նայենք այսօրվա պատկերին, ապա փուչ «դասականներ» ունենք, որոնք տպագրվում են՝ իրենց թիկունքում ունենալով ծանոթ-բարեկամներ: Նրանց փուչ ու ոչինչ չասող գրականությունն էլ ստիպում են, որ երեխաները կարդան»,- ընդգծեց Ա. Մարտիրոսյանը:
Սիրանուշ ՀԱՅՐԱՊԵՏՅԱՆ
Ինչի, դու գիրք կարդում ես, Արմեն, որ նման բաներ ես ասում, թե ասում են, լսումես կողքիններիդ?