«Ադրբեջանի նման ձեռագիրը միշտ էլ առկա է եղել: Այդ ձեռագիրն ունակ չէ փոխվելու…»,-Aravot.am-ի հետ զրույցում ասաց ԱԺ պատգամավոր Լյուդմիլա Սարգսյանը` խոսելով Թալիշ գյուղում ադրբեջանցիների կողմից խաղաղ բնակիչների հանդեպ իրականացված վայրագությունների մասին: Հիշեցնենք` Ադրբեջանի զինծառայողներն Արցախի Թալիշ գյուղ ներխուժելով` կտրել էին տարեց ամուսինների ականջները եւ գնդակահարել նրանց:
«Ադրբեջանցիներն իրականում բարբարոս են` սրբություն չունեն: Իրենց բանակում միայն վրեժխնդրություն եւ բարբարոսություն են քարոզում: Իսկ մենք մարդասիրություն ենք քարոզում մեր զինվորներին: Վստահ եմ` մեր որեւէ զինվոր խաղաղ բնակչի նկատմամբ երբեւէ նման բան չի իրականացնի: Մեր զինվորը պարզապես զինվոր չէ, նա մարդ է` մեծատառով, որը դաստիարակվում է մեր դպրոցում, ընտանիքում եւ բանակում»,-հավելեց նա:
Լուիզա ՍՈՒՔԻԱՍՅԱՆ