Բերդ քաղաքում, Տավուշի մարզի առաջին ատյանի դատարանում ընթանում է Մովսես գյուղի 41-ամյա բնակիչ Արթուր Մկրտումյանի դատավարությունը: Նա մեղադրվում է 2015թ. սեպտեմբերի 18-ին Մովսես գյուղի բնակիչ, Բերդի զինկոմ,1966թ. ծնված Դերենիկ Պապյանին սպանելու մեջ:
Նա մեղադրվում է ՀՀ քրեական օրենսգրքի 104 հոդվածի 1-ին մասով: Այդ քրեական գործով դատաքննությունը մոտենում է ավարտական փուլին: Այսօր՝ ապրիլի 20-ին կայացել է հերթական նիստը, հաջորդ նիստը նշանակված է մայիսի 12-ին:
Դատավարության մասնակիցներից տեղեկացանք, որ Արթուր Մկրտումյանը իրեն սպանության կատարող չի համարում, չի հիշում դեպքը, այդ օրվա իրադարձությունները: Նա եղել է հարբած վիճակում: Դատահոգեբուժական փորձաքննության եզրակացությամբ Արթուր Մկրտումյանը ճանաչվել է մեղսունակ:
Ոսկան ՍԱՐԳՍՅԱՆ
