Արդարադատության նախարար Արփինե Հովհաննիսյանը մայիսի 13-ին լրագրողների հետ զրույցի ընթացքում անդրադարձավ նաեւ Միհրան Պողոսյանի գործին. «Ընդամենը օրեր առաջ է գործն ուղարկվել համապատասխան մարմիններին, եւ այս պահին ընթանում է նախաքննություն, եւ պարզապես զուտ իրավական տեսանկյունից կարող եմ ասել, որ մեղմ ասած քիչ ժամանակ է անցել»:
Նա նշեց, որ բիզնես ունենալու համար, այդ թվում նաեւ պետական պաշտոնյայի դեպքում, ինքը չէ պատասխանատու. «Այսինքն՝ այն իրավասու մարմինը, որը պետք է պատասխան տա՝ դա օրինակա՞ն է եղել, թե՞ անօրինական: Հատկապես՝ այս փուլում, երբ նախաքննություն է կատարվում: Խնդիրը այն է, որ համապատասխան հանգամանքների, երեւույթների մասին բարձրաձայնվեց, մամուլում գրվեց, ինչը նշանակում է, որ կան համապատասխան առիթներ սկսելու որոշակի քննություն, որը ցույց կտա՝ օրինական է եղե՞լ, թե՞ ոչ, ձեռքբերումն է օրինական եղե՞լ, թե՞ ոչ կամ պահելը, դրա հետագա ընթացքը եւ այլն: Այսինքն՝ սրանք հարցեր են, որոնց պատասխանը իրավապահ մարմինները կտան»:
Ամի ՉԻՉԱԿՅԱՆ
