Այսօր կառավարության աշխատակազմի ղեկավար-նախարար Դավիթ Հարությունյանից լրագրողները հետաքրքրվեցին, թե իր էլեկտրոնային փոստում քանի՞ նամակ է ստացել այս պահի դրությամբ: Նա պատասխանեց. «Այս պահի դրությամբ չգիտեմ, որովհետեւ անընդհատ ստանում ենք»:
Մեր հարցին՝ շաբաթ օրը քննարկում է եղել, ի՞նչ եզրահանգման եք եկել՝ նա պատասխանեց՝ փակ քննարկում է եղել:
Դիտարկմանը՝ հասարակության 99 տոկոսը չի հավատում կոռուպցիայի դեմ պայքարի հայտարարություններին, որովհետեւ կոռուպցիայի դեմ պայքարի հանձնաժողովում նստած են մարդիկ, որոնք վստահություն չեն ներշնչում՝ Դավիթ Հարությունյանը արձագանքեց. «Ձեր հարցը պնդում էր, շարունակեք ձեր պնդումը»:
Կարդացեք նաև
Ի դեպ, Դավիթ Հարությունյանն այսօր Ընտրական օրենսգրքի նախագիծն է ներկայացնում ԱԺ-ում: Նիստերի դահլիճում 131 պատգամավորից 5-6 հոգի է ներկա: ՀՀԿ-ականներն էլի «խրամատը» լքել են, կոալիցիոն գործընկերները պասիվ են, իսկ ընդդիմությունն էլ հետաքրքրություն չի դրսեւորում:
Հռիփսիմե ՋԵԲԵՋՅԱՆ
