Բանասիրության և պատմագիտության դոկտոր, պրոֆեսոր Արծրունի Սահակյանը կարծում է, որ Գիտությունների ազգային ակադեմիայի նախագահ Ռադիկ Մարտիրոսյանի՝ «քոսոտ երկիր ենք» արտահայտությունը առանձնապես կարևոր խոսք չէ. այն հենց տարիքի նշան է:
Aravot.am-ի այն հարցին, թե արդյոք վիրավորված չեն ակադեմիայի աշխատակիցները և ինչու միասնաբար չարձագանքեցին, պարոն Սահակյանը պատասխանեց. «Ակադեմիան չի լռել, շատ ու շատ ակադեմիկոսներ , աշխատակիցներ արձագանքել են: Պետք չէ հիվանդագին ընդունել այդ բառերը, մարդը հասակ է առնում, հնարավոր է՝ ամեն րոպե բանագիտորեն չապրի ու չառնչվի հասարակական միջավայրի հետ, այնպես որ կարող է նման արտահայտություն անել:
Ես կարծում եմ՝ անիմաստ արձագանք է գտել: Մենք երևի լուրջ կարևոր խնդիրներից շեղվելու ընդունակ ենք: Ընդհանուր ամբոխային տրամադրությանը տրված՝ կարող ենք շեղվել գնալ՝ մոռանալով, թե որն է մեր բուն կոչումը:
Դե ասվեց, որ սխալ է, չի կարելի բան ու գործ թողնել և սկսել քննարկել ամբողջ ազգով էդ մի բառը»:
Կարդացեք նաև
Արփի ԿԻՐԱԿՈՍՅԱՆ
