Aravot.am-ն օրերս անդրադարձել էր Հայաստան-Ադրբեջան ուշագրավ ապրանքների ներմուծման եւ արտահանման փաստին:
Հիշեցնենք, որ ըստ պետական եկամուտների փաստաթղթերի Հայաստանից Ադրբեջան 2015-ին թվականին արտահանվել էր զինամթերք: Այս առնչությամբ ՊԵԿ-ը պարզաբանել էր, որ Հայաստանի հրաձգության հավաքականը մասնակցել էր Բաքվում Եվրոպական Օլիմպիական խաղերին եւ այդ երկիր է արտահանել «Փամփուշտներ 5.6 մմ» 400 փամփուշտ՝ 84.55 ԱՄՆ դոլար մաքսային արժեքով:
Մենք նաեւ գրել էինք, որ Ադրբեջանից Հայաստան էլ ներմուծում է կատարվել. 2014 թվականին մեր երկիր է ներմուծվել գորգ: ՊԵԿ-ն այս առնչությամբ վստահեցրել էր, որ կոմիտեում նշվում է ներմուծված ապրանքի ծագման երկիրը, այսինքն՝ այն արտադրվել է Ադրբեջանում, բայց ներմուծվել է այլ երկրից:
Aravot.am-ը ՊԵԿ-ից հետաքրքրվեց՝ թե որ երկրից եւ ով է ներմուծել ադրբեջանական գորգ: Մեր հարցմանն ի պատասխան կոմիտեն գրավոր պատասխանել է՝«15.10.2014թ. «Մատենադարան» Մաշտոցի անվան հին ձեռագրերի ինստիտուտի կողմից որպես մշակութային արժեք ԱՄՆ-ից ՀՀ է ներմուծվել 3.17քմ մակերեսով եւ 596.45 ԱՄՆ դոլար արժողությամբ «Գորգ 1940-50-ական թվականներ, «Շաքի-Շամախի», որի ծագման երկիր է հանդիսանում Ադրբեջանը»:
Կարդացեք նաև
Նելլի ԲԱԲԱՅԱՆ
Ձեր վերնագիրը՝ ՛՛Մատենադարանն ադրբեջանական գորգ է ներմուծել՝ որպես մշակութային արժեք՛՛, ուղղակի աղաղակում է, որ մատից ծծելով նյութ եք սարքել, իբր, ՛՛սենսացիա՛՛ մատուցելու:
Էդ ՛՛Շաքի-Շամախիում՛՛, իբր, գորգի ստեղծման ժամանակ հայեր չեն ապրել և գորգագործներն էլ հայ չէին… Դուք Ձեր գրածից մի բան հասկանում եք…
Լավ է, որ Մատենադարանի ձեռագրերին չեք կպել, թե չէ գրչագրման տեղավայրերի հիշատակությանը հիմնվելով՝ պիտի նշեիք ՛՛ուկրաինական՛՛ և ՛՛թուրքական՛՛ մագաղաթների մասին:
Սփյուռքի հնաբնակները սրան ասում են ՛՛խազէթճիութիւն՛՛ և ոչ այլ ինչ: