«Սանկտ Պետերբուրգում նախանշված Սերժ Սարգսյան-Իլհամ Ալիև հանդիպումից հետո կարող են լուրջ փոփոխություններ լինել»,-կարծում է Գերագույն խորհրդի նախկին պատգամավոր Ազատ Արշակյանը: Հունիսի 20-ին «Հայելի» մամուլի ակումբում նա ասաց. «Հնարավոր է, որ այդ հանդիպումից հետո մենք ազգային-ազատագրական նոր շարժում սկսենք եւ պայքարենք մեր ինքնիշխանության համար: Դա կախված է «ստատուս-քվոյի» պահպանման կամ փոփոխության հնարավորությունից»:
Ազատ Արշակյանի խոսքով` ներկայում քաղաքական ուժերը «բանկրոտ»-ում են, իշխանությունն էլ կտրված է հասարակությունից, մինչդեռ քաղաքական ուժերի օրակարգը այդպիսին չպետք է լինի. «Մենք կտոր-կտոր, 800 հեկտար-հեկտարով հանձնում ենք մեր հայրենիքը»:
Հիշեցնենք, որ ՀՀ նախագահն արդեն հանդիպել է ՌԴ նախագահ Վլադիմիր Պուտինի հետ:
Լուիզա ՍՈՒՔԻԱՍՅԱՆ
