Վարուժան Ավետիսյանի հետ հանդիպման ժամանակ լրագրողները խնդրեցին անդրադառնալ ԱԺ պատգամավոր, «Քաղաքացիական պայմանագիր» կուսակցության անդամ Նիկոլ Փաշինյանի՝ Խորենացի փողոցում տեղի ունեցող ցույցերում ունեցած դերակատարությանը։
«Ընդվզումը սկսել ենք մենք զինված ապստամբության մեթոդով, որին պարոն Փաշինյանը և երրորդ հանրապետության մնացած բոլոր քաղաքական գործիչները դեմ են և ունակ էլ չեն դրան։ Եվ այսօր Փաշինյանի և որևէ այլ գործչի կողմից այդ ընդվզումը և դրան հաջորդած ժողովրդական շարժումը յուրացնելու, այդ շարժման ընթացքը և արդյունքները անձնական, կուսակցական կամ այլ նեղ նպատակների ծառայեցնելու հանգամանքը շատ վրդովեցնող է, վիրավորական մեր ժողովրդի համար և դատապարտելի։ Հորդորում ենք պարոն Փաշինյանին չկիրառել այդպիսի տեխնոլոգիաներ, զերծ մնալ նման գործողություններից և մասնակցել ժողովրդական ընդվզման գործընթացի ծավալմանը որպես հմուտ գործիչ»,- նշեց «Սասնա ծռեր» խմբավորման ներկայացուցիչը։
Հարցին, թե ով պետք է ղեկավարի շարժումը՝ Ավետիսանը պատասխանեց․ «Ալեք Ենիգոմշյանն ինձ հայտնել է, որ ստեղծվում է համակարգող խումբ։ Բոլոր այն գործիչները, որոնք համարում են, որ Հայաստանը գտնվում է օրհասական վիճակում, եթե հասել է այնպիսի պահ, երբ մարդիկ ստիպված զինված ապստամբության են դիմում, այդ տրամաբանությամբ ընդվզումը գլխավորելու գործում պետք է ձևավորեն համապատասխան մարմին»։
Չցանկանալով անուններ տալ՝ Ավետիսյանը հորդորեց, որ գործընթացին միանան բոլոր նրանք, ովքեր պատրաստ են աշխատել այդ տրամաբանության մեջ, եթե իհարկե չեն տեսնում այդտեղ անձնական լիդերություն»։
Կարդացեք նաև
Ամի ՉԻՉԱԿՅԱՆ
Շատ անհասկանալի է, պարոն Ավետիսյանի խոսքը և ազգային միասնության տեսակետից սխալ: Հիմա ես հարցնեմ էդ ինչու՞ Սաշիկին պատանդ չվերցրեցիք, այլ արժանավոր հայ գնդապետին սպանեցիք: Սաշիկին կամ Լիսկային սպանեիք, որ այդքան քաջ ու խելացի եք: