Արտակարգ եւ լիազոր դեսպան Արման Նավասարդյանը «Առավոտի« հետ զրույցում անդրադարձավ Հայաստանում Ռուսաստանի ունեցած ռազմաբազայի վերաբերյալ Ժիրինովսկու այն հայտարարությանը, թե «այդ բազան հայերի փրկությունն է, հակառակ դեպքում նրանց երկու կողմից կջնջեն թուրքերն ու ադրբեջանցիները»: Դեսպանից հետաքրքրվեցինք՝ արդյոք այդպե՞ս կլինի ռուսական ռազմաբազան դուրս բերելու դեպքում, մեզ նմա՞ն հեռանկար է սպասվում:
«Ոչ, չի սպասվում։ Փառք Աստծո, որ ո՛չ Ժիրինովսկին Ռուսաստանում, և ո՛չ էլ Հայաստանում եղած քաղաքական եւ դիվանագիտական դիլետանտներն են որոշելու, թե ինչ ուղղությամբ եւ ինչպես են զարգանալու Հայաստանի ռազմաքաղաքական հարաբերությունները Ռուսաստանի եւ կամ ԱՄՆ-ի հետ։
Պարզապես ցավալի է եւ վտանգավոր, որ ներկա բարդ քաղաքական իրավիճակում Հայաստանում ովքեր այնքան էլ լավ չեն պատկերացնում, թե ինչ է կատարվում աշխարհում և տարածաշրջանում, յուղ են լցնում Վոլֆովիչի տիպի քաղաքական «ժուլիկների» վառած կրակի վրա։ «Սասնա Ծռերի» օրերին շատ էին հնչում խրոխտ ելույթներ Հայաստանի աշխարհաքաղաքական վեկտորը փոխելու վերաբերյալ»,-ասաց պարոն Նավասարդյանը։
Արտակարգ եւ լիազոր դեսպանի հարցազրույցի մանրամասները՝ օգոստոսի 5-ի տպագիր «Առավոտում»:
Կարդացեք նաև
Գոհար ՀԱԿՈԲՅԱՆ
