Հանրային խորհրդի մշակույթի ենթահանձնաժողովում Վերնիսաժին նոր կարգավիճակ տալու խնդրի քննարկմանը ներկա էր նաեւ Երեւանի ավագանու ՀՀԿ խմբակցության անդամ Լեւոն Իգիթյանը:
Նա իր ելույթում նշեց, որ որոշ ժամանակ առաջ իրեն անձնական հարցով մոտեցել է մի քաղաքացի, որն աշխատում է Վերնիսաժում: Ինքն այդ հարցը փոխանցել է Երեւանի քաղաքապետ Տարոն Մարգարյանին, որը պատասխանել է՝ նրանք, ովքեր պայմանագիր ունեն եւ օրինական այնտեղ առեւտուր են անում, բոլորի տեղերը պետք է պահպանվի: Լեւոն Իգիթյանը նշեց, որ ինքը հավատում է քաղաքապետին:
«Ինչ վերաբերվում է նրան, թե քաղաքապետարանը ինչու է սեփականաշնորհել, նման հարցեր այնքան կարելի է տալ՝ «Ռոսիա» կինոթատրոնը ինչո՞ւ է սեփականաշնորհել: Հիմա, եթե մենք վերադառնանք դրան, անիմաստ խոսակցություն է դառնում, դա մեր իրականության մեջ փաստ է: Լավ է, որ Վերնիսաժը կա, ես համարում եմ: Քաղաքի կենտրոնում, մայրաքաղաքի կենտրոնում, ներողություն, այն «բարախոլկայի» տեսք չպիտի ունենա»,- ասաց Լեւոն Իգիթյանը:
Կարդացեք նաև
Նա «Վերնիսաժի» աշխատակիցներից հետաքրքրվեց, թե ով է պատասխանատուն, աշխատակիցները պատասխանեցին, որ չգիտեն: Լեւոն Իգիթյանը հայտարարեց, որ կպարզի, թե ով է պատասխանատուն եւ հանդիպում կկազմակերպի, աշխատակիցները համաձայնեցին: Մշակութային ենթահանձնաժողովի նախագահ Գագիկ Մանասյանը հայտարարեց, որ կօգնի Լեւոն Իգիթյանին կազմակերպել հանդիպումը:
Ամի ՉԻՉԱԿՅԱՆ
Վերնիսաժը «բարախոլկայի» տեսք չպիտի ունենա»,- ասաց Լեւոն Իգիթյանը: Իսկ Երեւանի ավագանին?