Արցախի Հանրապետության վարչապետ Արայիկ Հարությունյանը սեպտեմբերի 3-ին ընդունել և պարգևատրել է ռուսաստանաբնակ գործարար և բարերար Արամ Քոչարյանին:
Ա. Հարությունյանը, Լեռնային Ղարաբաղի Հանրապետության հռչակման 25-րդ տարեդարձի կապակցությամբ, բարերարին պարգևատրել է ԼՂՀ վարչապետի հուշամեդալով՝ Արցախի զարգացմանն ուղղված գործունեության և ցուցաբերած օգնության համար: Վարչապետը բարձր է գնահատել Ա. Քոչարյանի ավանդը հանրապետության տնտեսության և ենթակառուցվածքների զարգացման գործում՝ ուրախություն հայտնելով, որ արտերկրում հաջողություններ գրանցած հայազգի գործարարներն ուշադրության ներքո են պահում Արցախի խնդիրները:
Արամ Քոչարյանն իր խոսքում պարտավորեցնող է համարել իրեն տրված պարգևը, պատրաստակամություն հայտնելով ապագայում ևս ակտիվ մասնակցություն բերել հայրենիքի շենացման գործին:
Կարդացեք նաև
ԱՀ կառավարության աշխատակազմի տեղեկատվության և հասարակայնության հետ կապերի բաժին
