Երեւանի Մալաթիա-Սեբաստիա վարչական շրջանի ընդհանուր իրավասության դատարանում այսօր «Հիմնադիր խորհրդարանի» անդամ Արմեն Միքայելյանի գործով դատական նախնական նիստ էր:
Ըստ մեղադրական եզրակացության, Միքայելյանն ապօրինի զենք է կրել, ինչի համար այս տարվա հուլիսի 27-ին բերման է ենթարկվել ոստիկանություն, որտեղ էլ առգրավվել է նրա ինքնաշեն ատրճանակը՝ յոթ փամփուշտով:
Նախնական դատական նիստով որոշվեց, որ նախ հարցաքննվելու է վկան, հետո կուսումնասիրվեն գործի նյութերը: Արմեն Միքայելյանը հայտարարեց, որ չի ընդունում իր նկատմամբ առաջադրված մեղադրանքը:
Գործով վկան դատարան չէր ներկայացվել, որոշվեց տասը րոպե ընդմիջում հայտարարել, ինչից հետո վկան կրկին չներկայացավ: Դատարանը՝ վկային բերման ենթարկելու որոշում ընդունեց, նիստն էլ հետաձգեց մինչեւ հոկտեմբերի 6-ը:
Կարդացեք նաև
Հիշեցնենք, որ Արմեն Միքայելյանը ձերբակալվել էր հուլիսի 27-ին, երբ Երեւանի Խորենացի փողոցում ցույցից հետո:
Նրան մեղադրանք էր առաջադրվել ՀՀ ՔՕ 235 հոդվածով (ապօրինի զենք, զինամթերք պահել):
Արփինե ՍԻՄՈՆՅԱՆ
