Ֆրանսիայի Մոյդոն քաղաքի քաղաքապետ, սենատոր Հերվե Մարսեյը (լուսանկարում) նոր առաջարկ է ներկայացրել երկրի Սենատ՝ Հայոց ցեղասպանութան ժխտումը քրեականացնելու վերաբերյալ: Այս մասին հայտնում է Nouvel Hay պորտալը:
Ավելի վաղ Ֆրանսիայի Սենատի հատուկ հանձնաժողովը որոշել էր «Հավասարություն և քաղաքացիություն» օրինագծի հոդված 38բ-ից հանել ցեղասպանությունների և մարդկության դեմ հանցագործությունների ժխտումը պատժելու մասին հավելվածը:
Նախատեսվում է, որ Սենատում «Հավասարություն-քաղաքացիություն» օրինագծի քննարկումները տեղի կունենան հոկտեմբերի 4-ին, 5-ին և 6-ին:
Պատրաստեց՝ Վիկտորյա ԱՆԴՐԵԱՍՅԱՆԸ
