Freedom House իրավապաշտպան կազմակերպությունը հայտարարություն է տարածել սեպտեմբերի 26-ին Ադրբեջանում տեղի ունեցած սահմանադրական հանրաքվեի վերաբերյալ: Այս մասին հաղորդում է contact.az-ը:
«Ընդունելով քվեարկության արդյունքները՝ Կենտրոնական ընտրական հանձնաժողովը խախտել է իր սեփական պահանջները: Արդյունքները հաստատվել են՝ չնայած կեղծման ակնհայտ փաստերին՝ զանգվածային լցոնումներ, կեղծումները գրանցած անձանց և բողոքողների ձերբակալություններ և այլ խախտումներ»,- ասել է կազմակերպության փոխտնօրեն Ռոբերտ Հերմանը:
Հերմանը նշել է, որ այդ կերպ ԿԸՀ-ն անհարգալից վերաբերմունք է ցուցաբերել Ադրբեջանում մարդու հիմնարար իրավունքների նկատմամբ:
Հիշեցնենք, հուլիսի 27-ին Ադրբեջանի Կենտրոնական ընտրական հանձնաժողովը հայտարարեց, որ երկրի քաղաքացիները ձայների ճնշող մեծամասնությամբ կողմ են քվեարկել նոր սահմանադրությամբ նախատեսվող բոլոր փոփոխություններին:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
