«Զինուժում այս տարի կատարված փոփոխությունները թույլ տվեցին տեսնել առավել վառ բացթողումները: Վաղուց ասվում էր, այդ թվում՝ նախագահի կողմից, որ մեր ամենաթույլ կողմերից մեկը կառավարման գիտական բացատրության բացակայությունն է»,-«Հայացք» մամուլի ակումբում այսօր ասաց ՀՀ պետական կառավարման ակադեմիայի կառավարման հոգեբանության ամբիոնի վարիչ, պրոֆեսոր Ռուբեն Աղուզումցյանը:
Նա ընդգծեց, որ զինուժը հասարակության անբաժան մի մասն է, եւ թերություններն առավելապես զինուժում արտահայտվեցին. «Գտնվեցին ղեկավարներ, որոնք, փաստորեն իրավունք չունեին կառավարելու, եւ այդ կառավարումը ոչ միշտ էր բերում դրական արդյունքի»
Ըստ հոգեբանի՝ հայ հասարակությունը դեռեւս չունի այն հարգանքն ու նվիրվածությունը, որին արժանի է մեր բանակը, թեեւ ապրիլյան դեպքերը ցույց տվեցին՝ եղած նվիրվածությունը բանակին ավելի բարձր է, քան այն մարդկանցը, որոնք պարտավոր էին համապատասխան գործողություններ կատարելու:
Անդրադառնալով այսպես կոչված «1000 դրամի» օրենքին՝ Ռուբեն Աղուզումցյանն այն որակեց որպես պետության կողմից սխալ քայլ. «Դա կարելի էր անել այլ կերպ եւ ավելի արդյունավետ: Իսկ մենք անտարբեր ենք՝ զինվորի զենքն աշխատո՞ղ է, ուտելիք ունի՞: Եթե անտարբեր չլինենք, այդ զինվորը տասնապատիկ ուժեղ կլինի»
Կարդացեք նաև
Լուիզա ՍՈՒՔԻԱՍՅԱՆ
