ԱԱԾ-ն չէր գաղտնազերծել, թե որ ոչ պետական բուհերն են հայտնվել իրենց թիրախում։ Արդյունքում, այս հանգամանքը խիստ վրդովեցրել էր մի շարք ոչ պետական բուհերի ռեկտորներին։ Նրանցից շատերը նշեցին, թե պատրաստվում են դիմել ԱԱԾ եւ պահանջել, որպեսզի այդ կառույցը բացահայտի, թե կոնկրետ որ բուհերն են կեղծիք կատարել, քանի որ ներկայացված պաշտոնական հաղորդագրությունը ստվեր է գցում մյուս ոչ պետական բուհերի գործունեության վրա։
«Ժողովուրդ» օրաթերթին հաջողվեց պարզել, որ ազգային անվտանգության ծառայության ուշադրության կենտրոնում հայտնված ռեկտորներից մեկը Սուրբ Թերեզայի անվան բժշկական համալսարանի ռեկտոր Լարիսա Լավրովնան է (լուսանկարում), իսկ ահա մյուս բուհը, որը եւս հայտնվել է իրավապահների ուշադրության կենտրոնում «Հայբուսակ» համալսարանն է։
«Ժողովուրդ» օրաթերթը ստեղծված իրավիճակի շուրջ փորձեց զրուցել «Հայբուսակ» համալսարանի ռեկտոր Սուրեն Հարությունյանի հետ, սակայն բուհից հայտնեցին, որ նա վատառողջ է, իսկ լսելով մեր տեղեկությունը՝ հայտնեցին, որ նման բան չի կարող լինել, բուհը միշտ աշխատել է օրինական, եւ անակնկալ էր իրենց բուհի անունը այդ քրեական գործի շրջանակում շոշափելը. «Մենք հերքում ենք, նման բան չի կարող լինել»։
Իսկ ահա Սուրբ Թերեզայի անվան բժշկական համալսարանի հետ մեզ այդպես էլ չհաջողվեց կապ հաստատել, փոխարեն տեղեկացանք, որ բուհի ռեկտոր Լարիսա Լավրովնան, չնայած առաջադրված մեղադրանքին, շարունակում է աշխատանքի գնալ։
Կարդացեք նաև
Ք. ՄԱՆՈՒԿՅԱՆ
Հոդվածն ամբողջությամբ կարող եք կարդալ «Ժողովուրդ» թերթի այսօրվա համարում
