Լրահոս
Օրվա լրահոսը

Ռուսական կողմը սպասում է Բաքվի պատասխանին՝ բլոգեր Լապշինի հետ հանդիպման համար

Փետրվար 28,2017 13:27 Share
Աջակցեք aravot.am-ին

Ռուսաստանի և Իսրայելի դեսպանատների աշխատակիցները սպասում են Բաքվի պատասխանին բլոգեր Ալեքսանդր Լապշինի հետ հանդիպելու համար: Այս մասին RIA Novosti գործակալությանը տված հարցազրույցի ժամանակ հայտնել է Լապշինի փաստաբան Էդուարդ Չերնինը՝ նշելով, որ ավելի վաղ Ադրբեջանում իսրայելական և ռուսական դեսպանատները բլոգերին տեսակցելու վերաբերյալ դիմում էին ներկայացրել:

Փաստաբանը հայտնել է, որ նախօրեին տեսակցել է Լապշինին և հավելել, որ դատական գործընթացի սկսվելու ժամկետների մասին առայժմ տեղեկատվություն չկա:

Չերնինը նաև մեկնաբանել է Բաքվում կնոջ հետ Լապշինի հնարավոր հանդիպման մասին հաղորդագրությունները: «Դա դեռ հարցականի տակ է»,- ասել է զրուցակիցը:

Ավելի վաղ Բաքվում ՌԴ դեսպանատան մամուլի քարտուղար Դենիս Ապաշկինը գործակալությանը հայտնել էր, որ հյուպատոսական պաշտոնատար անձանց կողմից Լապշինի հերթական այցելությունը կկայանա համապատասխան թույլտվություն ստանալուց հետո, որի մասին ռուսական կողմն արդեն դիմել է Ադրբեջանի իշխանություններին:

 

Պատրաստեց Վիկտորյա ԱՆԴՐԵԱՍՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Մեկնաբանություններն անջատված է: